لما حد كبير أو ذو خبرة ف مجال بنسمعله و نشوف تجاربه و نصايحه و تحذيراته عشان عنده خبرة اكثر مننا .. مر بمواقف مشابهة هنمر بيها ف بينصحنا عشان منكررش غلطه و نتبع أحسن طريق عشان نوصل للي احنا عايزينه ..

بس دا ف الأول و الآخر انسان ..

و لله المثل الأعلى طبعا .. ربك لما يمنع حاجة سواء بالتحريم أو في أحداث خلال حياتنا ف هو ادري " و الله يعلم و أنتم لا تعلمون " .. أعلم بالخير و الشر .. هو مالك الأمر" و إليه يرجع الأمر كله فاعبده و توكل عليه و ما ربك بغافل عما تعملون " ..نظرتنا كعباد قاصرة و عقولنا أقل م انها تفهم حكمة خالقها ف كل شيء _ إلا اللي ربنا بيكرم عليه بفهم بعضها و لحكمة برضو سبحانه ..

و ع الرغم م دا كله بنلاقي الناس بتتهافت ع ناس تانية ناجحين ف مجال معين بقصد الخبرة و بيسمعوا كلامهم ع أساس انه وصفة سحرية بدون جدال _إلا م رحم ربي ..و ع الجانب الآخر بنلاقي منهم اعتراض ع أحكام وضعها اللي خلقهم و خلق قدواتهم بمبررات ملهاش أساس الا لإرضاء شهوات نفسهم و رغباتها بشيء م راحة الضمير و لكن هيهات كلها محاولات بتنهي بكآبة_ بنشوفها غير مبررة و لكنها إثر التراكم_ و ندم ع خوض تجارب ف المحظور و ساعتها بس بنقول احنا كنا غلط و خلاص مش هنكرر غلطنا ثاني بعد ألم التجربة رغم أن ربنا بيحمينا م البداية.. ربنا بيقول " و لقد صرفنا في هذا القرآن للناس من كل مثل و كان الإنسان أكثر شيء جدلا " ..

الخوف م الجدل لإرضاء أهواء النفس أن يختم الله ع قلب اي منا .. يقول الحق جل في علاه " ﴿أَفَرَأَيتَ مَنِ اتَّخَذَ إِلهَهُ هَواهُ وَأَضَلَّهُ اللَّهُ عَلى عِلمٍ وَخَتَمَ عَلى سَمعِهِ وَقَلبِهِ وَجَعَلَ عَلى بَصَرِهِ غِشاوَةً فَمَن يَهديهِ مِن بَعدِ اللَّهِ أَفَلا تَذَكَّرونَ﴾

[Al-Jâthiyah: 23]

Shared via Ayah

﴿ِّوَلا تَتَّبِعِ الهَوى فَيُضِلَّكَ عَن سَبيلِ اللَّهِ إِنَّ الَّذينَ يَضِلّونَ عَن سَبيلِ اللَّهِ لَهُم عَذابٌ شَديدٌ بِما نَسوا يَومَ الحِسابِ﴾

[Sâd: 26]

Shared via Ayah

و ف المقابل " ﴿وَأَمّا مَن خافَ مَقامَ رَبِّهِ وَنَهَى النَّفسَ عَنِ الهَوى۝فَإِنَّ الجَنَّةَ هِيَ المَأوى﴾

[An-Nâzi'ât: 40-41]

Shared via Ayah

و عشان الجدل بيكون ع جهل مش جدل واحد عايز يفهم دينه صح زي ما ربنا علمنا " فاسألوا أهل الذكر إن كنتم لا تعلمون " مبينتهيش غير بخساير للي بيجادل ..

احنا مسلمين يعني مُسلّمين لربنا .. " إذا علمت فالزم" و " اسألوا أهل الذكر إن كنتم لا تعلمون " .. و " أهل الذكر " مش اي حد ..

ف اللهم عالم الغيب و الشهادة فاطر السموات و الارض رب كل شيء و مليكه نعوذ بك من شر أنفسنا و من شر الشيطان و شركه او ان نقترف على أنفسنا سوءا أو نجره إلى مسلم

و اللهم اجعلنا مسلمين حق الإسلام كما تحب و ترضى و اعف عنا يا عفو يا غفور يا الله

#إستسلام

Hoda Algeoshy

تدوينات منشورة

إنه كان ظلوماً جهولا