محبه الخلق .. 💌

مفيش عاقل المفروض يفكر ازاي يرضي الناس جميعا وكلهم يحبوه ويتلموا حواليه .. رسول الله صل الله عليه وسلم كان له أعداء حاربوه وسبوه وطردوه .. 

وهو صل الله عليه وسلم خير قدوه ومثال لينا .. 🌿💕

ثم ان اي انسان على وجه البسيطه لازم تلاقي الناس تنقسم فيه الى فرقتين .. فرقة محبه له وفرقه مبغضه له ومش راضيه عنه.. فرضا الناس غايه لا تدرك .. ورضا الله غايه لا تترك 💖💚

فليه تفني حياتك تفكر ازاي الناس تحبك وتبقى قريبه منك .. 

ده المفروض يبقى آخر همك في الدنيا ده .. 

اتخلقت لوحدك في ظلمه بطن أمك وستوسد أيضا في ظلمه القبر لوحدك .. 

يبقى ليه شغلنا الشاغل ازاي نجذب الناس ونكسب رضا الجميع ؟ مين فيهم مكمل معاك للآخر ؟ .. 

والله سؤال يستحق التأمل .. في ناس هتقول معرفش حد كده وناس هتقول محدش مضمون يكمل للآخر .. 💔 .. 

بس لو حد جاوب في ناس هتكمل للآخر معايا يبقى انت احسنت الصحبه .. تلك الصحبه التي ربما تشفع لك عند خالقها 💌🍃

لازم نعرف ان محبه الخلق تُسَيَّر اليك من فوق سبع سموات .. 

بأمر من الله ان أحبك .. 💙 .. ده الطريق الوحيد الي ممكن تكسب بيه قلوب الخلق .. 

عشان كده الأولى ان العبد يفكر ازاي يوصل لمحبه الخالق اولا .. فالله سبحانه ان أحبه ..أحبه اهل السماء ووضع له القبول في اهل الأرض 💕

على حسب دينك وايمانك واخلاقك هتلاقي محبه الناس في الدنيا ومحبه الخالق سبحانه في الآخره .. 💛💛

في ناس ماتت من عشرات السنين ومازال اسمها بيتردد في كل مكان واذا ما ذكر أثني عليه .. لأن الله أحبهم فطيب ذكرهم في حياتهم وبعد مماتهم .. 💜🍀

لازم شعارنا في الدنيا ده يكون " فليرض عني الناس او فليسخطوا .. انا لم أعد أسعى لغير رضاك " .. 🍃🍀🌹🌺 

ومحدش يتضايق من اعراض الناس عنه .. طول ما انت ماشي صح في طريق الوصول لله تعالى يبقى أثرك هيتكلم عنك بأمر من الله .. 💕🌿