فى عقل كل منا منطقه للراحه تتجمع فيها الافكار والعادات والسلوكيات ويمكن كمان القيم اللى تعودنا عليها واصبحت جزء منا مريحه لنا واذا حاول طارئ او حدث او شخص او حتى فكرة عابره دفعنا خارج هذه "الكمفورت زوون" تجد مقاومه ذاتيه غريبه مثلا الذهاب للجيم لمن لم يتعود ستجد نقاش داخلى ...لازم تروح صحتك بقت فى النازل والكرش كبر واللبس بقى مش حلو عليك....ياعم الاكل حلو والمشاوير اليوميه كفايه وهاضبط اللبس علشان يدارى.....الجزء التانى هو المقاومه الذاتيه لعدم الخروج من منطقه الراحه.....الامثله كتير لكن الخلاصه اللى بيقدر يخرج من المنطقه دى بتنفجر طاقاته وبيحقق كتير من احلامه وبيكسب خبرات لا حصر لها لكن اللى بيستسلم البقاء فيها بيستريح بس مش بيعيشها صح