في وقت من الأوقات لقريب يولي بعيد و البعيد يولي قريب .. حبيبك يبيعك و البراني يشريك ، بهبلتك و مشاكلك و فشلتك ، يقبلك كيما إنتي و يقربلك بالباهي ، لدرجة تنسى روحك معاه ، تنسى اللي سلم فيك و بعد عليك.. تقول ليكم سنين ، تحكيلو و تغرق معاه ، تشوفو و ما تشبعش من القعدة حذاه .. تعنقو و ترتاح في شونو و تقلو وينك وين كنت مخبي عليا هالسنين لكل .. و بعد تتليع كيف لعادة ، تموت حرقة و وحش ليه .. تشوف فيه كل يوم يبعد يهرب يطفى .. اللهفة اللي كانت مشات .. الكلام المعسول و السهرة للصباح تخفاو ، توحشتك ما عادش تطفي النار الي شعلت كي يبعد ، بعدو يشويك و كل يوم يلزك على المشوم .. مخك يقلك هو بعد إنت إبعد و بعد تسمع قلبك ينادي و يدادي ، يقلك ما تسلمش في اللي رتاحلو بالك ، في اللي نساك و هواك ، في اللي غرقك و خلاك.